Tuesday, May 21, 2019
Follow Us on :

విశాఖ బీచ్‌రోడ్డులో అక్కినేని, దాస‌రి, హ‌రికృష్ణ‌ విగ్ర‌హాల తొల‌గింపు

By BhaaratToday | Published On May 14th, 2019

విశాఖపట్టణం బీచ్ రోడ్డులో ఏర్పాటు చేసిన సినీ ప్రముఖులు అక్కినేని నాగేశ్వరరావు, దాసరి నారాయణరావు, నందమూరి హరికృష్ణల విగ్రహాలను జీవీఎంసీ అధికారులు తొలగించ‌డంతో తీవ్ర ఉద్రిక్త‌త నెల‌కొంది. ఈమధ్య ఏపీ మంత్రి గంటా శ్రీనివాసరావు ఈ విగ్ర‌హాల‌ను ఆవిష్కరించారు. తాజాగా జీవీఎంసీ అధికారులు వాటిని తొల‌గించారు. ఈ ముగ్గురి విగ్రహాల ఏర్పాటుకు జరుగుతున్న పనులను గమనించిన స్థానికులు కొందరు, విశాఖకు ఏమాత్రం సంబంధం లేని వ్యక్తుల విగ్రహాలను తీసుకువ‌చ్చి సమస్యలు సృష్టించాలని చూస్తున్నారని కోర్టును ఆశ్రయించగా, వాటిని వెంటనే తొలగించాలని కోర్టు ఆదేశించింది. దీంతో స్పందించిన పోలీసులు, కార్పొరేషన్ అధికారులు గత రాత్రి ఈ విగ్ర‌హాల‌ను తొలగించారు. ఈ సమయంలో అక్కడికి చేరుకున్న సినీ ప్రముఖుల అభిమానులు అధికారులతో వాగ్వాదానికి దిగారు. అనుమతి లేని విగ్రహాలను తొలగించే విషయంలో ఎవరి ఒత్తిడికీ తలొగ్గేది లేదని ఈ సందర్భంగా అధికారులు స్పష్టం చేశారు.